PARTANGIANGAN SILABAN

1. Hupuji holong ni rohaMu O Tuhan Jesus rajangki Tu Ho hulehon ma tondingku Ai i do pinangidoMi Huhalupahon ma diringku Mamingkir holong ni rohaMu

1. Hata ni Jahowa sipadame jolma hangoluan i Halalas ni roha siapuli roha ni na marsak i Gogo ni Debatangki paluahon na porsea sian nasa jea. 2. Nasa tinahiNa tagan so ditompa tano on dope Nang na tinuduan ni sude pelean jumpang do muse Sangkap ni Amana i, dipatulus Jesus Kristus, jolma i ditobus.

13. Molo tung tinggil rohamuna manangihon tonangku, angka na hutonahon i tu hamu sadarion, mangkaholongi Jahowa, Debatamuna i, dohot mangoloi Ibana sian nasa rohamuna dohot sian nasa ateatemuna. 14. Ahu ma mangalehon udan tu tanomuna di tingki halehetanna, udan di bulan sipaha pitu dohot udan di bulan sipaha sada, asa tarpapungu ho emem dohot anggurmu dohot miakmu. 15. Ahu huhut patubuhon di duhutduhut di ladangmu, hangoluan ni pinahanmu, asa mangan ho jala bosuran. 16. Dibahen i ramoti hamu ma dirimuna, asa unang tarela rohamuna laos marbalik hamu, jala dioloi hamu angka debata sileban, huhut marsomba tusi. 17. Jadi marpiarpiar rimas ni Jahowa maon mida hamu, gabe Ibana mangkinsu langit i maniopi udan, tano i pe ndang lehononna gogona, gabe tibu hamu mago sian tano na denggan i, na nilehon ni Jahowa tu hamu. 18. (III.) Antong sai parateatehon hamu ma angka hatangkon jala pamasuk hamu tu rohamuna jala rahuthon hamu angka i bahen partinandaan di atas tanganmuna, jala bahen parningotan di holangholang ni matamuna. 19. Jala ajarhon hamu angka i tu angka anakmuna, taringoti hamu angka i, molo hundulhundul ho di bagasan jabum manang mardalani ho di pardalanan, manang laho modom pe ho, nang dung hehe muse. 20. Jala ingkon surathononmu angka i tu tohang ni jabum dohot tu panggumbanganmu. 21. Asa leleng hamu mangolu nang pinomparmuna i di tano naung niuarihon ni Jahowa tu angka ompumuna i, lehononna tu nasida, songon leleng ni angka ari ni langit lelengmuna tahe di atas tano on.

" Martua ma angka na umbege hata ni Debata jala na umpeopsa"amin

1. Tatap hami on na pungu dison, Ai na naeng pujionnami denggan ni basaM di hami, Tatap hami on na pungu dison 2. Togu hami on na mardosa on, Ale Jesus Tuhannami Sai asi rohaM di hami, Togu ma tongtong na mardosa on.

1. HataMi ale Tuhanku, arta na ummarga i Sai paian di rohangku, unang so hutiop i Molo so be sitiopan, hata na badia i Aha nama haojahan Ni haporseaon i? 2. Ale Jesus sai matahon, sai ramoti ma au on Asa hot haporseaon, di bagasan rohangkon Sai paringgas ma rohangku, mangoloi di hataMi Asa mauas di podaMu, songon si Maria i.

34. Ketika orang-orang Farisi mendengar, bahwa Yesus telah membuat orang-orang Saduki itu bungkam, berkumpullah mereka 35. dan seorang dari mereka, seorang ahli Taurat, bertanya untuk mencobai Dia: 36. "Guru, hukum manakah yang terutama dalam hukum Taurat?" 37. Jawab Yesus kepadanya: "Kasihilah Tuhan, Allahmu, dengan segenap hatimu dan dengan segenap jiwamu dan dengan segenap akal budimu. 38. Itulah hukum yang terutama dan yang pertama. 39. Dan hukum yang kedua, yang sama dengan itu, ialah: Kasihilah sesamamu manusia seperti dirimu sendiri. 40. Pada kedua hukum inilah tergantung seluruh hukum Taurat dan kitab para nabi."

1. PasupasuM tongosonMu, I do didok hataMi, Suru tondiM na badia, bosur ma baen rohangki. Reff: HagogoonMu songgop ma tu rohangkon. Unang sai holan manetek, gohi sandok diringkon. 2. Buat ma angka pangambat, unang songsong dalan i. Mual ni aek hangoluan ringkot do di rohangki.

1. Asi ni rohaM hupuji ala Ho manobus au. Dipaias Ho rohangku, gabe soranganMu au. Reff: IngananMu rohanami, TondiMi manggohi i. Pangke dohot ngolunami gabe ulaulaMi. 2. Sai ramoti ma rohangku, asa boi gohanMu au. Sai mabaor ma pasupasu, nang marhite sian au. 3. Naeng huhatindangkon hami, hagogoonMi tongtong, Paluahon na mardosa, nang parjahat na bolong.

Hita tangiangkon ma pelean ta tu debata,martangiang ma hita

ALE AMANAMI